HADITHI YA BABA MASUMBUKO SEHEMU YA KUMI (10)

                                                                                  HADITHI  YA

                                                                                  BABA MASUMBUKO 

Mwandishi:PAUL M,YAHILIMA 

Facebook:Yahilima PM                                                                        

                                                                       SEHEMU YA KUMI (10 )  

            

Baada ya tukio lile na kumbaini kuwa aliyekuwa kwenye kile kichaka ni nani sote wawili tulizima tochi zetu na kila mmoja akarudi nyumbani kwa njia aliyoijua yeye,masumbuko aliwahi kufika nyumbani akaingia kwenye nyumba yake kabla mimi sijafika nyumbani,nilipofika nyumbani nikawaza kipi nifanye lakini nikaamua liwalo na liwe nikaingia chumbani kwangu,nikamkuta mke wangu mkubwa ambaye ni yule yule tuliyemwona shambani akiwa kwenye hali ya ajabua ambayo nilishawahi kuiona gamboshi siku za nyuma na hakuna mtu hata mmoja angebisha kuwa Yule si mchawi baada ya kuliona tukio lile,nikaukaza moyo kiume nikalala pembeni yake lakini yeye aliendelea kukoroma tu,mpaka inafika asubuhi sikuweza kupata usingizi hata kidogo hali ile ilinifanya niwahi kutoka ndani kuliko mtu yoyote maana niliamka saa kumi na moja asubuhi kabisa,nikiwa pale nje nikaanza weza kuzaa watoto wengine tofauti na mke wangu mdogo ambaye hadi muda huo alikuwa amezaa watoto wa tano japo wote ni wa kike.

Kulipokucha saubuhi wake zangu wakaanza kukamua na baada ya kukamua walienda shambani,mimi sikuwa hata na nguvu ya kwenda shambani nilibaki nyumbani hadi chakula cha mtu ambaye alikuwa anaenda kuchunga kikapikwa na muda ulipofika wa kula niliitwa nikale ila sikuwa na hamu ya kula kabisa nikaishia kunywa maziwa tu kisha nikarudi chumbani kwa mke wangu mdogo nikajilaza kitandani nikitafakari mambo mbalimbali yaliyotokea na haukupita muda mrefu usingizi ukanipitia,nilishituliwa kutoka usingizini na mlio wa simu,ilikuwa ni namba ngeni nikaiangalia simu kwa muda kisha nikapokea

Shikamoo baba mimi masumbuko

Marhaba uko wapi?

Niko shuleni nilitoka hapo nyumbani usiku ule ule.

Uko salama lakini, na pia nakuomba tukutane kwa mganga wa kienyeji bwana ganungo ga walwa uwahi sana  sawa?

Haya baba

Baada ya maongezi hayo mafupi furaha ilirudi maana nilijua mwanangu yuko hai,nikaanza kujiandaa kwenda kwa mganga wetu bwana ganungo ga walwa amabaye kwa kifupi tulizoea kumuita bwana ganungo nilimchukua beberu ambaye alikuwa mkubwa zaidi ya wote,beberu ambaye harufu yake ilikuwa inawafanya watu wapone mafua kabisa,nilichukua jogoo wawili na bata mmoja,lemgo langu kubwa lilikuwa ni kuenda kumwomba msamaha kutokana na kutokuelewana kwangu na yeye hadi akataka niuliwe kule mlimani na pia kumwoma anisaidie juu ya matatizo niliyokuwa nimekumbana nayo,nilitembea kwa mwendo wa haraka hadi inafika saa 10 jioni nilikuwa nimeshafika kwa mganga,alinipokea kwa furaha na kunipa maneno ya tumaini pia akanisihi hatotoa msamaha kwa kosa jingine litakalojitokeza na akanisihi ili nifanikishe ninayoyataka ni lazima niwe makini kwenye kutekeleza lolote ninaloagizwa bila kukiuka hata sharti moja,tukiwa tunaendelea kuongea masumbuko akafika kwa pamoja tukaa sehemu moja na mganga hadi usiku ulipoingia tukiwa bado hata hatujala chakula cha usiku  mwanangu masumbuka alianguka chini akaanza kutokwa na mapovu mdomoni huku akigaragara chini,mganga alikuwa kwenye nyumba maalumu ya kufanyia tiba akaja akambeba masumbuko hadi kwenye ile nyumba ya kutibia muda huo mimi sikuwa na nguvu ya kufanya lolote mwili wangu ulikuwa unatokwa na jasho tu

Mganga alijitahidi kwa kila namna kwa kubadilisha kila aina ya dawa lakini hakuna mabadiliko yaliyonekana, aliongea lugha nyingi ambazo sikuzijua hata kidogo lakini hadi saa tisa usiku mwanangu masumbuko aliamka akajipapasa vumbi kisha akaelezea jambo jipya akidai muda uliopita alikuwa gamboshi kwenye mkutano,baada ya maneno hayo kila mtu akawa kimya akitafakari ni wapi aanzie ,nilimtazama kwa muda mwanangu nayeye akanitazama kisha akanionyesha tabasamu nililolizoea kisha akanikumbusha mambo yaliyotokea kipindi akiwa mdogo sana ambayo mambo yale sijawahi kumwambia mtu yoyote,aliniumbusha mambo yaliyotokea gamboshi kipindi kile nikiwa nimekaa mbele ya kundi la wachawi kwenye ukumbi mkubwa sana ambao sijawahi kuuona pengine popote siku ile nikiwa mbele pale mwanangu alilionekana na mimi nikambeba kwenye mikono yangu kisha taa za mule zilizimika na zilipowaka tena nilijikuta nimeshika joka.baada ya pale sote tulipitiwa na usingizi lakini mtu mmoja ambaye simkumbuki alikuja akaniamsha na mimi nikamfuata na muda huo ilikuwa ni asubuhi yule mtu alishika mkono nikamfuata hadi nyuma ya nyumba moja  kisha akakimbia kuelekea ndani ya shamba la jirani na nyumbani kwa mganga nilipoangalia kwa makini nikaona watu wengi wakikimbia kuelekea kwenye msitu mdogo na mimi nikazidi kukimbia ile tu nakaribia nione kipi kimetokea na ni kipi watu wanakiangalia,macho yangu yalimwona masumbuko akiwa amejinyonga kwa kamba ya katani baada ya hapo sikujua kitu gani kiliendelea tena.

Baada ya muda usiojulikana nilifumbua macho nikakutana na watu wengi pembeni yangu alikuwepo kuna mzee mmoja wa makamo nilimuuliza kuna nini na yeye hakusita kunambia,aliniambia hadithi yote ya yaliyotokea na ilikuwa ni siku ya tatu nikiwa nimepoteza fahamu na nilipozinduka siku ile ndo siku ambayo mwanangu niliyempenda sana alikuwa amezikwa kwa maana walnisubiri kama nitaamka lakini sikuamka ndipo wakamzika kwa hiyo niliishiia kuliona kaburi tu,ilipopita wiki moja yule mganga alinambia nimfate nyumbani kwake na mimi sikuona kama kuna tatizo nilitii wito wake,siku hiyo mganga alikuwa anaonekana mwenye kufikili sana na alikuwa anaonyesha kunihurumia sana.

Masanja kifulambute hivi kweli unamjua mchawi anayekumaliza?

Ndiyo namjua ni mke wangu mkubwa

Sasa wewe unadhani ni njia gani ya kumaliza tatizo hili?

Mganga,mi nakuomba fanya vyovyote afe kabisa

Mimi siwezi kuua ila wewe ndiye uue maana huyo ni adui yako,utaweza au bado unampenda?

Maswali ya mganga yaliibua hasira zaidi kwa mke wangu na nikaona dawa yake ni kuua tu,mganga akanipa mashariti zaidi kuwa nikitaka kuua lazima niue ijumaa na ni lazima uwe wakati wa kula chakula cha jioni,nikajipanga kutekeleza mauaji kwa kuandaa panga mpya kabisa ambayo niliinoa kwenye mashine ya kunolea na mganga aliipaka mafuta ya Baraka,siku ya ijumaa ikafika na muda wa kutekeleza kila nililopanga ukazidi kusogea,ilipofika saa mbili usiku muda huo nilikuwa nimevaa nguo zangu za kazi ambazo si rahisi mtu kunijua na kichwani nilivaa mask nyeusi kufunika uso mzima tayari kabisa kumwondoa duniani mke wangu mkubwa,nikasogea taratibu hadi karibu na nyumba ya mke wangu mkubwa na baada ya moshi uliokuwa unatoka kwenye nyumba ndogo ambayo ndiyo jiko alimokuwa akipikia mke wangu nilianza kunyata taratibu …………………………INAENDELEA