HADITHI YA BABA MASUMBUKO SEHEMU YA SABA (7)

                                                                 HADITHI YA

                                                                 BABA MASUMBUKO

Mwandishi:PAUL M,YAHILIMA 

Facebook:Yahilima PM

                                                                  SEHEMU YA SABA

Baada ya kumwona nesi akiwa mwenye haraka na uoga mkubwa akiwa anatoka kwenye wodi huku akiomba msaada sikutaka kupoteza muda nikasimama kwa haraka nikaingia ndani ya ile wodi ambamo mgonjwa pekee aliyekuwemo ni mke wangu tu,nilipoingia kwenye ile wodi nilichokikuta kilikuwa cha hatari,nilikuta bundi wengi sana kwenye ile wodi wakiwa wamekizunguka kitanda alicholalalia mke wangu hali ya uoga ilikuwa imenijaa moyoni mwangu,roho ya ujasili iliniingia nikanza kupiga hatua kwenda kwenye kitanda alicholazwa mke wangu ila nilipokaribia  tu wale bundi wote wakapotea na sikujua ni njia gani walikuwa wameingilia na walipotokea,nilishikwa na mshangao sana kilichonishitua na kunitoa kwenye maazo ni sauti ya nesi alikuwa anakuja ameambatana na Dokta

Dokta,yaani niliyoyaona ni ya hatari?     

                                                                                           

Wewe acha uongo,kuwa na moyo mgumu  

                                                                        

Yaani nilipokuwa naanza kumsaidia ili ajifungue kuna mtu alininong`oneza eti mtoto akizaliwa nimuue na nikiwa natafakari walitokea bundi wengi na sijui walitokea wapi ndipo nikatoka nje kuomba msaada

Pole sana lakini ndiyo kazi

Yule nesi na dokta wa zamu ya asubuhi waliingia wakanikuta ndani ya wodi wakaniuliza kama kuna kitu nimeona ila nikasema sijaona ili kuwapa moyo waweze kumsaidia mke wangu ambaye muda huo alikuwa anajirusha rusha tu pale kitandani,baada ya hapo waliniambia niwapishe na mimi nikawapisha nikaenda nje nikakaa kwenye benchi nililokaa mwanzo

Baada ya masaa kama matatu nesi alikuja akiwa mwenye furaha sana akanichangamkia tofauti kabisa na wauguzi wengine ambavyo huwa wanafanya,aliniita jina langu na mimi nikaitika kisha akanambia nimfuate na mimi  sikuwa na ubishi wowote nikamfuata kwa nyuma,tulipita vyumba vingi kisha akaingia kwenye chumba kimoja  na mimi nikaingia,kilikuwa ni chumba kizuri ndani ya kile chumba kulikuwepo meza na viti viwili,kiti kimoja upande mmoja wa meza na kingine upande wa pili,Yule nesi alikaa upande mmoja kisha akanikaribisha huku kichwani kwangu nikiwa na mawazo mengi kama mke wangu alipo ni atakuwa salama au vipi 

Nesi,usinifiche we nambie hali ya mke wangu 

Mmh! Haraka ya nini na uko kwenye huduma hapa

Nambie kama mke wangu kajifungua salama au laa na kama bado nambie

Mkeo yuko salama,nimekuita nikupongeze kwa mkeo na umri wake huo kupata mtoto ila sikwambii kama ni wa kike au kiume

Baada ya kuambiwa kuwa amejifungua salama nilifurahi kisha nesi akaniambia nimfuate na mimi sikuwa na jinsi nikamfuata,tukaingia kwenye wodi alimolazwa mke wangu tukamkuta amesinzia,nesi hakutaka kumsumbua akamchukua Yule mtoto,nilifurahi sana kuona ni mtoto wa kiume japo ni mdogo tena hata siku hajamaliza ila alikuwa anafanana na mimi kabisa.Baada ya huduma nzuri  za kwenye ile zahanati na wauguzi kutuaga,niliondoka na mke wangu mkubwa ambaye tokea nioane naye ni mwaka wa 12 ndiyo amefanikiwa kunipatia mtoto wa kiume,hakika nilikuwa nafuraha sana muda wote na mapenzi yalikuwa yamerudi kwake,sikutaka kuwa mbali naye na lengo kuu ni kumwona mtoto wangu wa kiume akikuwa kwa malezi bora kabisa ilifika kipindi mke wangu mdogo hakupata tena hata nafasi ya kumuwaza hata hela ya matumizi ikawa kila mara napeleka kwa mke mkubwa nilikuwa naleta matumizi kama sabuni,nguo na mboga kwa mke mkubwa hali iliyomchukiza sana mke wangu mdogo tena kwa chuki za wazi wazi ila hilo sikulijali hata kidogo

Miezi miwili badaye niliamua niende kwa mganga wangu wa kienyeji ili nikatafute dawa ya kujikinga mimi mwenyewe na mwanangu wa kiume,niliandaa vitu vya kwenda navyo kwa mganga nilibeba jogoo wawili weusi na beberu wawili mmoja mweusi mwingine mweupe ambaye hakuwa na doa lolote.nilifika kwa mida ya jioni nikamkuta mganga na watu  wengine na baada ya chakula cha jioni alinipa maelezo kuwa mimi ni mkosefu tokea kipindi nilipokataa kupelekwa Mombasa na wale jamaa wawili kwa hiyo ili nisamehewe kosa langu ni lazima nikubali kutumwa na mimi sikuwa mbishi nikakubali kutumwa alipotaka,mganga akanipa ngozi ya mnyama ambaye sikujua ni mnyama gani kisha akaniamuru nivue nguo zote na mimi nikafanya kama alivyotaka, baada ya kuvua nguo zangu zote mganga akanifunga kiunoni ile ngozi kama watu wa zamani au wa polini maarufu kama bush man,baada ya hapo akanimwagia maji ambayo yalikuwa na harufu mbaya sana na mengine akanambia ninywe na mimi nikafanya kama nilivyoagizwa.

Ilipofika saa tano usiku akaniita nimfuate na mimi nikamfuata hadi  kwenye chumba kimoja  tukaingia wote kisha akatoa dawa ya unga yenye rangi nyeusi akaniambia nifumbe macho kisha akazipaka nyusi zangu  hadi akamaliza kuzipaka alipomaliza tu akanambia nifumbue macho,niliogopa sana nilipofumbua macho tu nikajikuta katikati ya fisi wengi lakini mganga alipoona nimeogopa akanichoma kwa kitu chenye ncha kali kama sindano,damu ilitoka kidogo naye akaikinga kwenye upembe wa swala kisha akachanganya na dawa fulani nyekundu akajiongelesha maneno ambayo sikuyaelewa baada ya kitendo hicho akaniamuru ninywe ile dawa iliyochanganywa na damu baada ya kunywa tu ile dawa hofu juu ya wale fisi ikatoweka nikawa nawaona kama mbwa tu,mganga akaniamuru nichague fisi ninayemtaka na kwa ujasili nikachukua fisi aliyekuwa mkubwa zaidi ya wenzake,mganga alicheka kwa sauti kubwa kisha akaendelea kunipa maelezo mengine nikiwa  nimepanda juu ya Yule fisi

Shika masikio hayo vizuri,ukitaka kona ya kulia minya hilo sikio la kulia na ukitaka kona ya kushoto minya sikio la kushoto na kuongeza spidi shika mkia pia usiongee njia nzima wala usitazame nyuma,umeelewa?

Ndiyo nimeelewa mganga

Safari njema na leo najua ni mara yako kwanza utaiona gamboshi,kumbuka ukiona wanawake wazuri wakiwa uchi uendako tafadhali kidudu chako kisiwe na kihelehele cha kusimama watakikata

Nilianza safari mida ya saa tano hivi lakini ndani ya dakika kama 20 nilikuwa tayari niko gamboshi,nilipofika nilipokelewa kwa shangwe na nikajiuliza kama huo mji uko Afrika au wapi maana sijawahi kuuona hata kwenye picha,siku hiyo ndipo nilipojua kwanini unaweza kulala ukaamka umechoka sana,nilichokiona ni kuwa kule hakuna viti ila watu huwa wanaenda kuamshwa majumbani mwao kichawi bila kujua wanaenda kutumikishwa,walikuwepo watu wengi wameinamishwa kisha migongo yao kufanywa kama viti na wachawi,wageni walizidi kuingia na wengi walikuwa wanajuana,mimi nilipofika nikaona si vizuri kukaa kwenye migongo ya watu nikaamua kukaa chini maana niliangalia  popote sikuona kiti,nikiwa bado naangalia mazingira kuna watu wawili walikuja karibu na mimi na mimi nikawatambua vizuri kuwa ni wale watu waliofukua maiti ya mwanangu siku za nyuma,nikiwa bado nawashangaa wale watu sauti kubwa iliita jina langu  kwa ufasaha nikajiuliza nani anayefahamu hapo

Masanja kifula mbute

Naam!

Wewe ni mgeni lakini mjinga au unataka ushindwe kupeleka ulichoagizwa kwa aliyekuagiza

Nisamehe sana

Nikaitwa nipite mbele ya ukumbi ule nikapita mbele kisha wakaletwa watu wawili wakainamishwa nikaamuriwa kukaa na mimi nikafata amri baada ya kukaa ukumbi mzima ulinipigia makofi na baadaye ukawa kimya yaani ule ukimya ambao ukiangusha sindano unaweza kusikia kishindo chake,na mimi sikuwa na jinsi  nikatulia,baada ya dakika kama mbili kutoka kwenye upande mmoja wa ule ukumbi lilitokea joka kubwa ambalo sikuwahi kuliona maishani kwangu,lile joka likatambaa taratibu hadi sehemu nilipokuwa huku mapigo yangu ya moyo yakiwa yanaenda mbio sana,lile joka likatoa ulimi likiwa linataka kunimeza na mimi nikafumba macho kusubiri kinachofuata lakini sikuona wala kuhisi chochote kinachotokea,nilifumbua macho taratibu kwa uoga nilipofungua macho yote mbele yangu nikamwona mwanangu wakiume ambaye tulimwita masumbuko akiwa kando yangu na nilipoangaza macho sikuona mtu yoyote  kwenye ule ukumbi mwanangu alianza kulia pale pembeni nikamwonea huruma mwanangu masumbuko,nikapeleka mkono ili nimbebe ile tu nasogeza mkono giza likatanda kwenye ule ukumbi nikajitahid hadi nikambeba mwanangu baada ya kumbeba nikaaamka taratibu  kupapasa kwenye ule ukuta wa ule ukumbi ila kadili nilivyozidi kuupapasa ule ukuta ulizidi kuwa mbichi,mwanangu masumbuko nilimshika  vizuri kwa mkono wa kulia huku mkono wa kushoto ukiwa unapapasa nikitafta njia ya kutokea,nikiwa naendelea na lile zoezi la kupapasa tena kwenye giza kelele za shangwe zilisikika hapo hapo mwanga ukarudi na wale watu waliokuwemo mwanzoni wakawemo wote na nilipomangalia mwanangu sikumwona tena nilikuwa nimebeba joka lile kubwa,kwa uoga nikalitupa chini lilipotua tu chini likabadilika akawa ni mwanangu sikutaka tena  kumfata ikanibidi nirudi nilipokuwa mwanzo pale mbele ya ukumbi nikarudi nikakaa tena kwenye ile migongo ya watu walioinamishwa

Mpeni chakula ale,anaonekana ana njaa

Nimeshiba! Mimi sina njaa

Kwa hiyo hutaki chakula chetu

Nataka! Nipeni nile

Walileta chakula cha kila aina mwanzoni nilikataa kula ili niepushe mgogoro ikabidi nile tu,baada ya kula hakukuwa na maji ya kunawa wala maji ya kunywa ila watu walikunywa vitu nisivyovijua na mimi nililetewa nikanywa kilikuwa ni kinywaji ambacho hakikuwa na utamu wowote na hakikuwa na hakikuwa na uchungu wowote,watu wote walimaliza kula na kunywa kwenye lile kundi alikuwepo mzee mmoja ambaye alionekana ni mkuu zaidi ya wote aliamuru watu wote watulie na wote wakatulia kukawa kimya kabisa mle ndani na baada ya ukimya  kidogo Yule mzee ambaye alikuwa anaonekana kuwa kiongozi wao aliamuru nikamatwe akidai nimekiuka masharti ya gamboshi……………ITAENDELEA