HADITHI YA BABA MASUMBUKO SEHEMU YA SITA (6)

                                                                 HADITHI YA

                                                               BABA MASUMBUKO

Mwandishi:PAUL M,YAHILIMA

Facebook Yahilima PM

                                                                     SEHEMU YA SITA

Nikiwa bado nipo kwenye mshangao wa kumwangalia yule mtu aliyenigusa mgongoni akatoa rungu kisha akanipiga rungu kichwani kisha akaniamuru nnyoshe mikono juu na mimi nikatii nikanyosha.yule mtu alikuwa ni askari polisi nikiwa bado palepale nikisikilizia maumivu kutokana na rungu niliyopigwa kichwani mabomu ya kutoa machozi yakaanza kusikika na kelele za watu zikawa zinasikika kila sehemu nikajua kuwa askari wa kikosi cha kuzuia ghasia watakuwa wamefika,Yule askari aliyenigusa mgongoni na kunipiga rungu akaniamuru ninyoshe mikono kwa nyuma kisha akatoa pingu akanifunga mikono yote kwa nyuma akaniamuru nitembee kuelekea alipotaka yeye na mimi nikafata kile alichoagiza,tukafika mpaka kwenye gari la polisi akaniamuru niingie kwenye lile gari nikafanya kama alivyoniamuru,Yule askari akapanda kwenye lile gari akasimama na mimi nikakaa huku nikiwa nimeegemea ukuta wa lile gari la wazi la polisi,kwa muda kama wa dakika 30 milindimo ya mabomu ya kutoa machozi ilitulia,Nikaanza kuwaona askari wengi wakiwa wanarudi kwenye magari yao,

Oyaa makamanda twendeni,hawa wasenge wameua makamanda wetu wawili nasisi tumewaua watatu

Twendeni tukajipange turudi tena

Askari waliingia kwenye magari yao wakaanza kuondoka na baadhi ya askari waliponiona mimi ndani ya lile gari walijawa na hasira sana,kimya kimya nikamwomba mungu anisaidie ili nisije geuzwa mbuzi wa kafara maana ndiye mwanakijij pekee niliyekamatwa,ilikuwa ni mida kama ya saa10 alfajili wale askari wakaanza kuelezana kitu ambacho sikukisikia ila nilihisi ni jambo la hatari walikuwa wanalipanga juu yangu na baada tu ya kuvuka mto unaotenganisha kijiji chetu na cha jirani magari ya polisi ambayo yalikuwa mawili yalisimamishwa na askari wote wakashuka baada ya muda kidogo askari mmoja kati ya wale askari aliyeonekana mwenye hasira alitaka aniue ili alipize kisasi maana askari wawili waliouliwa kwa kupigwa mishale na wananchi wote walikuwa rafiki zake,lakini askari aliyeonekana kuwa mkuu wao alikataa nisiuliwe ila akapendekeza nipewe mateso makali mpaka nitoe maelezo ya nani ni kiongozi wa kundi lile ambalo limetekeleza mauaji ya askari na kuchoma nyumba,askari wawili waliagizwa wakaja kwa haraka wakanibeba kwa mfumo unaojulikana kama Tanganyika jeki,nilibebwa juu juu hadi nikafika katikati ya wale askari kwa haraka   wakanizunguka na kuniweka kati,bila kuchelewa wakanifungua ile pingu nikabaki nimesimama,lakini amri ikatolewa nipige magoti na ninyoshe mikono juu nikiwa bado natafakari nikapigwa kitako cha bunduki kichwani nikaanguka nikalala chali,licha ya maumivu makali niliyoyapata kwenye kichwa baada ya kupigwa kitako cha bunduki niliendelea kuona na kusikia kitu chochote kilichokuwa kinaendelea.

Yule kiongozi wa wale askari alikuja akaanza kunivua suruali na alipohakikisha kuwa sina nguo hata moja akatoa mpira wa kufungia mizigo kwenye baiskeli akaukata kipande chembanba hadi ukawa mdogo mdogo kisha akaanza kunifunga kwenye sehemu zangu za sili,kwa ustadi akafunga yale mayai mawili kwenye sehemu imayotenganisha mayai na shingo,katika maisha yangu sikuwahi kupata maumivu makali kama niliyoyapata siku ile na sidhani kama nitayapata tena siku nyingine,nilianza kulia kama mtoto mdogo,na askari wote walianza kunicheka sana,macho yaliangaza pote lakini sikupata hata mmoja wa kunihurumia ila tu waliendelea kunicheka.

Nikiwa bado niko kwenye maumivu yale,Yule mkuu wa askari akaloweka kitambaa kwenye maji yaliyokuwa kwenye kopo dogo,kisha akaja akanigusa kwenye sehemu waliyonifunga kwa kutumia ule mpira,hakika  nilizidisha kilio zaidi ya awali kile kitambaa kilikuwa kimewekwa kwenye maji yenye mchanganyko wa pilipili,niliendelea kulia sana huku wakirudia kile kitendo cha kuniwekea maji yenye pilipili,walipohakikisha kuwa nimelainika wakaanza kunihoji na kutokana na maumivu niliyokuwa naendelea kuyapata nilieleza kila kitu na nilijitetea kuwa mimi sina hatia lakini hawakunielewa, baada ya hunihoji wakanimwagia maji ya baridi kisha wakanifungulia ule mpira walipomaliza wakanivalisha nguo na wakanifunga pingu tena na kunitupia kwenye gari

Mkuu,sasa tunampeleka wapi huyu mbwa?

Huyu lazima akasadie upelelezi,pumbafu zake,

Askari wakapanda tena kwenye magari yao kisha wakaanza safari kuelekea walipokuwa wanapajua wao ,kwenye maisha yangu nilikuwa muoga sana wa polisi lakini siku ile muoga nilikuwa nimekamatika  na sikuwa na namna yakufanya,gari zilianza kwenda mwendo wa taratibu kutokana na ubovu wa barabara za vumbi zenye mabonde mengi yaliyosababishwa na mvua zilizokuwa zinaendelea kunyesha kwa wakati ule lakini Baada ya mwendo kama wa kilomita moja tulifika sehemu ya tambarale,dereva wa gali ambalo nilikuwepo mimi ambalo  ndiyo lilikuwa liko mbele akazidi kuongeza mwendo na muda huo jua lilikuwa limeshachomoza zamani ilikuwa ni mida kama ya saa tatu asubuhi,gari  niliyokuwemo mimi ilizidisha mwendo kutokana na utambarale wa barabara,dereva alizidisha mwendo na wale askari walianza kumshangilia sana kwa utaalamu wake wa kuendeha gari,sikujua kipi kilitokea mbeleni ila nilisikia milio ya wale askari wengine walisema “mungu wangu” na wengine walisema “mama yangu” hata sekunde tatu hazikupita nilisika sauti ya mlipuko mkubwa na badaye sikujua ni nini kilifuatia maana giza lilijaa machoni nikawa sikumbuki chochote.

Giza kiliendelea kutanda na sikuelewa chochote kwa muda ambao sikujua ni siku ngapi zilipita,ghafula nilifungua macho na kujikuta nimelala kwenye kitanda na nilipojaribu kuvuta kumbukumbu sikujua kuwa nilikuwa wapi muda huo,macho yaliangaza pande zote lakini sikujua kuwa niko wapi,nilijaribu kuinuka pale kitandani lakini maumivu ya mguu na mkono yalinifanya nirudi kulala,nilianza kufikilia kama niko kwenye ndoto lakini kila nilipojaribu kuamka,mguu wa kushoto na mkono wa kushoto vyote viliuma,ilianza kufikilia nini kilitokea ndipo nikakumbuka kilichotokea na machozi yalianza kunitoka ila hofu kubwa ilikuwa najiuliza ni wapi nilipo na ni nani kanileta hapo,chumba nilichokuwa nimelazwa kilikuwa ni chumba chakavu kilichoezekwa kwa mabati yaliyochoka sana na kuta za nyumba zilikuwa ni ya tope ila ilikuwa imepigwa chokaa,nikiwa ndani ya fikra zile alikuja mtu ambaye namfahamu kabisa na nilipomwona niliogopa na sikuwa na amani kabisa moyoni

Wewe mwanamke mchawi,usiyezaa muuaji umeshanichukua msukule eti?

Mume wangu,tokea lini mimi mkeo nikawa mchawi?

Unafikili sijui Eti?,nirudishe kwa wanangu

Mume wangu sikia,wanasema tenda wema uende zako usisubiri shukrani,mimi nimetenda wema kwa kukutorosha kule hospitali ukiwa umefungwa pingu ukituhumiwa kwa ugaidi,unatuhumiwa wewe kuwa na kikundi cha watu wanaopingana na serikali na siku ile ulipokuwa umekamatwa na polisi inasemekana wenzako walitega bomu barabarani ndilo liliripuka hadi likafanya wewe upoteze fahamu na uvunjke mguu na mkono,baada ya hapo walitaka wakuchome sindano ya sumu ili ufe hata kabla hujapata fahamu kwani ni askari wengi walikufa kwenye mlipuko uliotokana na bomu kutegwa barabarani lakini habari nilizipata nikakutorosha na sasa uko kwa mjomba wangu huku lamadi

Mimi siyo gaidi waambie

Mke wangu alinieleza mambo  mengi alinieleza kuwa siku ambayo askari walikuja kule kijijini muda ambao wanakijiji walitaka kuwaadhibu yeye na mama mkwe baada ya mimi kuzikata kamba walizokuwa wamefungiwa mke wangu na mama mkwe waliwea kutoroka bila kuonwa na polisi na wanakijiji kisha wakaenda hadi kijiji cha jirani,hata hali yangu iliporudi kuwa kawaida yaani nilipopona niliendelea kuishi pale kwa mjomb wake mke wangu wa kwanza,kwa muda wa miezi mitano nilikuwa mzima kabisa na mwezi uliofuata mke wangu mkubwa aliniambia jambo ambalo lilinishitua sana na sikudhani kama ingewezekana,aliniamia kuwa anaujauzito jambo ambalo sikulikubali kwa maana nimeishi naye kwa miaka 12 lakini hakuweza kupata ujauzito hadi ikanilazimu nioe mke wa pili ambaye amenizalia watoto wawili wa kike na wa kiume ambaye alifariki siku ile anazaliwa,ilikuwa ni ngumu kumwamini licha ya kuwa nilikuwa nashiriki naye tendo la ndoa kila mara tokea nipone mguu na mkono kutokana na bomu kwa sababu kitanda hakizai haramu ikabidi nikubali hali tu,

Niliendelea kuish kwa mjomba wake mke wangu,siku moja nikiwa nasikiliza redio nikasikia kuwa polisi na wananchi wa kijiji changu kilichopo kwenye mkoa wa simiyu kijiji cha matongo walipanga kwenda kufanya mapatano na hata mimi walisema popote nilipo kama niko hai au nimeshakufa kuwa baada ya uchunguzi imebainika kuwa sina hatia na hivyo popote pale nilipo niweze kwenda hadi kijiji mimi pamoja na wake zangu ili tukaanze maisha mapya,nilipomweleza mke wangu akawa na hofu sana akidhani kuwa utakuwa mtego ili nikakamatwe lakini nilimsihi naye akakubali.Mjomba wa mke wangu alituruhusu kisha mimi na mke wangu tulijipanga kwa safari,siku ya safari ilifika tukasafiri hadi tukafika kijijini hakuna mwanakijiji aliyeonyesha chuki juu yetu,majirani walitusaidia kujenga nyumba yetu hadi tukamaliza,viongozi wa serikali  nao walikuja wakafanya mapatano na wanakijiji na amani ikarudi tena

Mke wangu alilea mimba aliyoipata hadi siku ya kujifungua ambapo matatizo mapya yalijitokeza,ilikuwa ni mida kama ya saa saba usiku hivi ndipo mke wangu alipatwa na uchungu kabla ya kumpeleka hospitali niliamua nimtafute mwanamke wa kumwangalia wakati mimi naenda kutafuta pikipiki ya kutusafirisha hadi kwenye kituo cha afya,nilimwamsha mke wangu mdogo amsaidie mwenzake lakini hakukubali sikuwa na jinsi nikaondoka kwenda kutafuta usafiri,baada ya kurudi nilimkuta mke wangu mkubwa anatokwa na damu nyingi sana mdomoni na puani na alikuwa tayari amepoteza fahamu,nilimsafisha damu mke wangu nikambeba nikamuweka kwenye pikipiki kisha mimi nikakaa nyuma yake baada ya kukaa sawa dereva akaanza safari,ila kadri tulivyozidi kusogea mbele milio ya fisi ilizidi kusika kule tulipokuwa tunaelekea,baada ya dakika kama ishirini,kwa mbali niliona kundi la watu ambao walikuwa wako uchi walipoona tunakaribia walisimama katikati ya  barabara sehemu ambayo ilikuwa ni lazima tupite lakini dereva ilionekana aliwaona hakuweza kupunguza mwendo ila alizidi kuendesha kwa mwendo wa kasi  ili kunusuru maisha ya mke wangu mkubwa ambaye alikuwa bado amepoteza fahamu,tulipokaribia pale walipokuwa wamesimama wale watu kwa haraka waligawanyika pande mbili wakaachia nafasi ya barabara bila kuwa na uoga derea akapita kwa kasi sana,tulipovuka pale nilisikia sauti ya kike ikiita jina langu “masaja kifula mbuteeee” sikutaka kutazama nyuma wala kuitika maana nilipokuwa kijana mdogo babu yangu aliniambia kuwa  ukiitwa na mtu usiku maeneo usiyoyajua usiitike wala kuangalia nani anayekuita,nilizingatia maelezo hayo ya babu na sikuitika wala sikugeuka nyuma ila kadri tulivyozidi kwenya mbele sauti za fisi zilizidi kusikika kutokana na  sauti hizo kuwa karibu yetu ilibidi nigeuze kichwa niangalie,hakika sijawahi kuona fisi wengi kama wale maana nilizoea kuona fisi mmoja mmoja lakini kwa kukadiria wale fisi walikuwa kama 25 hivi,nilishituka baada ya kuona fisi wale hadi dereva wa pikipiki naye akageuza shingo na kuwaona wale fisi hali ile ilimlazimu kuongeza mwendo maana bora uliwe na chui au simba kuliko kuliwa na fisi,chakushukuru baada ya muda milio ya fisi ilianza kusikika kwa mbali.

Tulifika kwenye kituo kidogo cha afya katika kijiji cha jirani cha sapiwi mkoani simiyu kwa bahati nzuri tukamkuta  nesi wa zamu ya usiku,nikamlipa Yule bodaboda hela yake mimi nikamwingiza mke wangu kwenye wodi,akawekewa dripu mbili za maji ndipo fahamu zikamrudia,niliendelea kukaa pale na mke wangu na muda ule uchungu haukuwepo tena hadi ilipofikika saa kumi na mbili asubuhi ndio uchungu ukaanza tena.

Kaka naomba upishe kidogo ili nimsaidie mkeo

Haya dada,msaidie mke wangu

Usijali kaka ndo kazi zetu

Nilitoka nje ya wodi nikakaa kwenye benchi moja pale nje,nilikaa kwa muda kama wa saa moja lakini sikumwona nesi kutoka nje hadi nikawa na mashaka,ila muda natafakari juu ya hayo nesi akatoka akasema nisiwe na wasiwasi maana mke wangu alikuwa anaendelea vizuri,nesi alirudi kwenye ile wodi tena baada ya dakika kama 15 na mimi kutokana na uchovu nikajikuta nimepitiwa na usingizi,nilishituliwa kutoka kwenye usingizi na kelele za nesi kwani alitoka ndani ya wodi alimolazwa mke wangu,kelele za nesi zilikuwa za kuomba msaada,gloves alizokuwa amevaa mikononi zilikuwa zimejaa damu,alitoka mbio akanipita pale akaelekea nje huku akizidi kuomba msaada…………..INAENDELEA